Don Ellione

Jólakvæði 2011

Sat, 24 Dec 2011 14:24:17 GMT

Hvers vegna höldum við blessuð jól

Til að komast í allt of þröngan kjól

Hvers vegna setjum við könnu á stól

Svo hún elti ei ölvuðu okkur í ból

http://www.dickdestiny.com/uglyguyindresssmall2.JPG

Leikskólakennarinn og aðstoðarskúringamaðurinn Hugo Guiteros tekur slagorð mjög alvarlega. Hann náði þeim merka árangri að sameina tvö jólaslagorð og kom tólunum í kjólinn fyrir jólin

Hví þarf að skrúbba og þrífa hér allt

Til að losna við sósur og staðið malt

Hví þarf að hengja upp skraut þegar úti er kalt

Því skreytingarkeppnina sigra þú skalt

http://morrhaven.ca/North%20Pics/Icecold.JPG

Frosti Ísleifsson þykir einn besti skreytingarmeistari heims þegar kemur að jólaskreytingum. Hann skreitir þó aldrei nema frostið sé undir -35°, 35 m/sek og 35 mm skafrenningur úti

Hví er verðið á gleði svo hátt

Svo gjafmildið verði ei venjulega smátt

Hví er svo erfitt að versla gjafir í sátt

Svo heiminn og búðina þú þykist geta átt

http://www.mbl.is/tncache/frimg/360/5/88/588074.jpg

Marblettir, blótsyrði og glampi í augum sem hlutfall af landsframleiðslu jókst gríðarlega í mánuðinum sem Lindex opnaði á Íslandi. Kaupmáttur var þó í sögulegu lágmarki næsta mánuð á eftir

Hví skrifum við þúsund jólakort með mynd

Til dreifa okkar eigin fegurðarlind

Hví skiptir máli, rándýr(t) eða kind

Að fylgja venjum er púkaleg synd

http://www.killmydaynow.com/wp-content/uploads/2010/12/Collection-of-Awkward-Christmas-Family-Photos_6-367x550.jpg

Það þykir ómissandi siður á hverju heimili að taka jólamynd og setja í jólakort sér og öðrum til yndisauka. Er þá jafnvægi krúttleika, vandræðaleika og almennar skynsemi í sögulegu lágmarki meðan á athöfninni stendur. Hér er má sjá myndina frá stjórnarheimilinu í ár, Katrín Júlíusdóttir og Árni Páll sátu fyrir með Jón Bjarnason á milli sín

Hvar hefur tilgangur jólanna glatast

Þar sem nægjan og gleðin á fluginu fatast

Því þurfa hundrað sortir að bakast

Svo að vömbin svelti ei milli þess sem ég matast

http://www.duiops.net/seresvivos/galeria/perros/Lazy%20Bones.jpg

Alþekktur og mikið iðkaður jólasiður meðal Vestur-Papeyinga er að hafa ávallt góðan sófa til reiðu og vera vel til hafður í hvílu sinni meðan jólahátíðin gengur yfir. Þá fer meltunarblundurinn fram. Passa verður að hafa snarl við hendina svo hægt sé að narta í eitthvað ef menn skildu rumska í miðjum blundi

Ég hef þá ósk að þú gleymir þeim glaumi

Sem ofbýður jólum og lifir í draumi

Um ljúfan og lágstemmdan fjölskyldufund

Saman á gleði og hátíðarstund

http://blog.rounds.com/wp-content/uploads/2010/12/christmas201-1024x705.png

Svokölluð jólakrútt er ný tegund sem skotið hefur rótum víða um land, þá helst í sveitum og bæjum á miðhálendinu. Þau yfirtaka heimili yfir jólin og valda því að fólk linast upp, missir skap og brestur í bros. Aðrar aukaverkanir eru m.a. tár á hvarmi, gleði í hjarta og vélindabakflæði

Smá svona út í loftið

Sat, 16 Jul 2011 00:33:15 GMT

Kærleikur að kveldi

Kvöldið kemur og kveður burt daginn

kuldinn læðist innundir skinn

rökkur sumarsins rjátlar um bæinn

ráðvillt í angist vill komast inn

http://kristjani.blog.is/blog/kristjani/entry/1069202/

Kuldhrollar verur kærar hvor annari

kúra sig saman með teppi í hönd

samhlý í kyrrðinni er ástin vart sannari

strjúka brosandi í samofin draumalönd

http://www.kattholt.is/displayer.asp?page=56&Article_ID=341&NWS=NWS&ap=NewsDetail.asp&FAQ_type=Flokkur&p=ASP%5C~Pg56.asp

Skugginn af ástinni svífur í móanum

sjáöldrin titra af hrifningu tveggja

með hönd hennar þéttingsfast liggjandi í lófanum

líður í nóttina ást þeirra beggja

Jólafriður vananum vafinn

Sun, 26 Dec 2010 01:30:10 GMT

Er ég kem heim á aðfangadag er heimilið í rúst

Ryksugan og ruslapokar eru í sleik við gamlan kúst

Jólatréð er allt of stórt og pabbi illa girtur

Ég á enga spariskó og bara ljótar skyrtur

Það er gamall og góður siður að vera illa girtur um jól, enda nýtur hin árlega keppni Jólaplömmerinn mikilla vinsælda meðal einstæðra húsmæðra á vesturströnd Íslands og í nokkrum hverfum Grímseyjar

Óþveginn ég alveg er með allt of mikið hár

Jólasteikin gaddfreðin og verður aldrei klár

Dagblöð, diskar, drasl og fólk liggur út um allt

Það vantar Sigga, Jónu og stól, appelsín og malt

Óþrifnaður á líkama og sál þótti í meira lagi þessi jólin og lítið þýddi fela það bakvið óviðeigandi mikinn lubbann

Unglingurinn aflitaður með heiðna stelpu í hönd

Borðar hvorki svínakjöt, baunir, öl eða önd

Systir mín að baða sig í fjóra klukkutíma

Mamma mín með sterkan drykk, grætur inn í síma

Systur eiga það til að vera svo lengi í jólabaðinu að þær verða að panta sér pizzur til að svelta ekki í hel

Í dyrunum ég sný mér við, rölti í kalt myrkrið

Samanborið ástandið, mér líkar óblítt veðrið

Framhjá húsum, skuggum og skepnum ég klofa skurði og snjó

Öskur, læti og ættarvíg hörfa úr huga með friði og ró

Að rölta einn út í myrkrið á jólum þykir heimilisleg hefð í Öræfum. Hann hefur einnig fest rætur í Grafarholti þar sem götuljós eru jafnan slökkt eftir að skyggja fer í sparnaðarskyni

Sest við þúfu milli steins og sjávar

Aldan hvíslar og einstaka mávar

Kalda hönd við fingur finn

Leggur stelpa þar lófa sinn

Sitja um stund og segja ekki neitt

Samvera orðalaus fær öllu breytt

Tvær einmana verur í jólanna ólgusjó

Uns óþekkt mér stúlkan stóð upp og hló

Jólaþjakaðar sálir

Í tunglskímu leiðirnar liggja til baka

Í sitthvorar áttir milli snjóþungra þaka

Óvæntur samkraftur þolinna tauga

Samtaka sefast án þess að horfast í auga

Tunglskin þykir hentugt fyrir kvenfólk til að ærast úr ærslum og ólátum í Þingeyjasýslum og upp til fjalla í Kópavogi um jólaleitið. Einnig þykir það almennt gott undir fót í göngutúrum á köldum vetrarkvöldum

Hálfklæddir foreldrar og baðsjúkar systur

Afgamalt jólatré og unglingur hristur

Allt þetta eru jú jólanna myndir

Sem afneita okkur um fortíðarsyndir

Sama jólatréð hefur verið notað frá því 1980 sökum atorkuleysis og dugnaðarskorts við niðurrif trésins. Svo er líka gott að klóra sér á bakinu með trénu

Þakka má fyrir það góða eða slæma

Systkyni, hundgarminn og frænda minn Sæma

Án þess að heyra þeirra grátglaða gól

Verða víst alls ekki haldin hátíðleg jól

Klæðnaður og útgangur Sæma frænda þykir jafnan nokkuð óvenjulegur og tilraunir hans til að skapa nýjar jólahefðir og jólaklæðnað fyrir almenning hafa enn ekki borið árangur

Kettir sem kunna að opna Macintoshdósir fara ekki í Jólaköttinn, algengara er að þeir hlaupi í spik. Þeir sofa þó rótt á ístrum húsráðenda

Skriftafeður pabbaembættistrákana á Íslandi

Wed, 08 Dec 2010 20:45:12 GMT

Um þessar mundir skjálfa ýmsir háttsettir menn á beinum og eyrum víða um heim. Sérstaklega eru það þó Bandarískir embættisuppskrúfaðir og gamansamir mannlýsendur sem þykir í senn vandræðalegt og niðurlægjandi að persónulegar lýsingar sínar í gantlegum tónum á helstu framapoturum heimsins sem og leynilmakksráðbruggið þeirra sem eimað var víða um heim í reykfylltum bakherbergiskjallarakústaskápshornum sé orðið opinbert alheiminum og liggji til jafns við víneimaða róna á glámbekkjum.

Bandarískt ráðabrugg þykir oft á tíðum mjög súrt og beiskt

Íslendingar fá ofurlítinn smáskammt í hringiðunni og margt forvitnilegt er þar að finna. Það sem ég skil hins vegar ekki er andvaraleysi Íslenskra fjölmiðla og almennings á því aðalatriði sem Íslandsskjölin upplýsa. Þar skiptir engu máli hvað hvert og eitt skjal segir, skiptir engu máli allar þær mjög svo sönnu og oft á tíðum skemmtilegu háðsglósur sem embættismenn Íslands fá, skiptir í raun engu máli orð frá orði það sem stendur í skjölunum heldur heildarmyndin af þeim öllum.

Brúðusýningin Dabbi og Geiri gekk fyrir fullu húsi fá miðju ári 2007 fram á haust 2008

http://blogg.visir.is/brussulina/page/53/?vi=298

Kári Stefánsson varð reiður yfir iðnaðarnjósnum kínverja. En er enginn að sjá þátt Bandaríkjamanna, að þeir stunda hér um fangsmiklar og mjög óeðlilegar iðnaðarnjósnir og vita meira um Íslenskt samfélag en nokkur Íslendingur. Það má ekki áttræður einsetukall prumpa hljóðlausu kellingarprumpi djúp í látlausan aðeins of lítinn vinnugallann sinn einn úti í skemmunni sinni í Grímsey án þessað bandaríkjastjórn sé komin með 1000 bls. skýrslu um málið áður en það gerist. En það sem er alvarlegast í þessu, þetta eru ekki einu sinni njósnir.

Kellingaprump. Taka verður fram að myndin er ekki hvorki tekin í Grímsey né í aðeins of litlum vinnugalla

http://gthg.blog.is/blog/gthg/entry/1017774/

Þannig er nefnilega mál með vexti að bandarísku sendiherrarnir á Íslandi virðast hafa verið skriftarfeður litlu, hörundsáru og misvel gefnu pabbastrákanna og ballettuppstríluðu, útákinnmáluðu sítalandi mömmustelpnanna sem hafa sest í embætti síðustu áratugina. Þeir leyfa þessum litlu greyjum að koma í heimsókna hvenær sem þeim langar að fá þau í heimsókn og hlusta með brosið í startholunum og hrokaglottið í vasanum á litlu Íslensku embættisbörnin segja frá öllum sem eru búnir að vera vondir við þá, frá öllu sem þeir eru búnir að gera yfir daginn, öllu sem Palli í næsta húsi er búinn að gera og Siggi á móti og Gulla í næstu götu og Tommi í nr. 14 eru búin að vera að gera.

Pabbastrákar eru pabbastrákum verstir

Svo þegar litlu embættisbörnin eru búin að sitja á kné þeim í klukkutíma og gráta á öxlinni á þeim, stinga þeir haltu-kjafti-karamellu í munninn á þeim og pabbastrákarnir og mömmustelpurnar þerra tárin í stífstraujuðu ríkisjakkafötin meðan þau hlaupa glöð með sætt karamellubragðið í munninum aftur út í hrollkaldann Íslenskan veruleikann.

Litlu embættisbörnin gera hvað sem er fyrir gott nammi!

http://www.thehipstermom.com/?cat=15

Sendiherrarnir hlæja sig svo máttlausa yfir fráfróðum, barnalegum og sískælandi litlu Íslensku greyjunum sem halda að Bandaríkin séu þarna til að hjálpa þeim. Þegar þeir hafa svo jafnað sig af hláturskastinu setjast þeir brosandi við skrifborðið og skrifa þessar dásamlegu skemmtisögur af fáfróðri þjóð fastri í eigin tilvistarkreppu og egódraumveruleikafirringu til að deila þeim með æðri mönnum í Washington því þeir hreinlega geta ekki setið að þeim einir.

Þetta er einn af slæmu dögunum hjá sendiherranum eftir að hafa hitt Íslenskan embættismann. Þið getið ímyndað ykkur hvernig góðu dagarnir eru

http://194.105.224.24/sorp/images.php?page=view&contentId=5061807

Best fannst þeim hrekkurinn þegar þeir plötuðu krullhærða og freka kjaftaskinn Davíð og steinrunna fornstrákinn Halldór til að samþykkja þjóðarrán á olíunni í Írak og opinbera flengingu með dauðlegum aukaverkunum á óþekktarorminum honum Saddam með dass af þjóðarfyrirlitningu og hálfum líter af þjóðarofbeldi í sandkassanum hans Saddam í Írak. Davíð og Halldór lofuðu sem sagt að koma í byssuleik þó þeir ættu ekki einu sinni byssu sjálfir. Það eina sem þeir vildu í staðinn var að þeir fengju að sitja aðeins lengur í flugvélunum í Keflavík meðan herinn væri að leika sér, það væri svo gaman. Og þeir actually trúðu því að þeir fengju það ha ha ha ha, þvílík börn!

Dabbi varð mjög vondur þegar hann fékk ekki að fara með í flugvélinni til Írak að sjá litlu Írakana hlaupa um í sandinum undan stóru sprengjunum

Verst þykir samt sendiherrunum óþolandi kommúnistahrekkjalómar eins og Ólafur Ragnar og Steingrímur J. sem kunna enga mannasiði og láta alla hina krakkana trúa alls konar hættulegri vitleysu og kommúnistaviðbjóðsorðum sem Djöfullinn sjálfur hefur kennt þeim. Eitthvað ráð verða þeir að finna til að fólk hætti að hlusta á þá. Jú, þarna kom það. Við látum þá bara borða allan matinn frá þjóðinni, stela peningunum þeirra og sparka svo í fullt af liggjandi fólki, þá hætta allir að hlusta á þá.

http://stormsker.blog.is/blog/stormsker/category/10/

Steingrímur mátar svokallað McCarthyklósett sem er hluti af kommúnistadetoxmeðferð Bandaríkjamanna þar sem kommúnistahugsjóninni er sturtað niður til Vítis þaðan sem það kemur

Já, það er svo gaman að vera sendiherra á Íslandi þar sem þeir heppnu útvöldu fá að leika sér að vild og fara brosandi heim á hverjum degi eftir að hafa platað litlu saklausu embættisbörnin út í alls konar vitleysu og fíflagang. Hvað ættu þeir að láta þá gera á morgun........

Litlir Íslendingar er vinsælasta jólagjöfin í Bandaríkjunum í ár

Hugmynd um persónukjör

Tue, 23 Nov 2010 01:28:30 GMT

Hef verið að velja mér fólk til að kjósa á stjórnlagaþing, og sent áleitnar spurningar á þá sem ég hef valið úr og koma til greina. Þar á meðal er kona sem ég þekki ekki neitt (þekki í raun aðeins 2-3 frambjóðendur held ég). Hún var bara ein af þeim sem mig langaði að kanna betur og komst að því að hún er aftar vel þenkjandi og efnilegur frambjóðandi með áhugaverðar sýnir og hugmyndir.

Jólagjöf hins óákveðna kjósanda

http://www.thisnext.com/item/BE73CCB0/Vote-dice

Út frá svari hennar við spurningunum fékk ég hugmynd að útfærslu á persónukjöri sem ég hef mikinn áhuga á. Langaði til að deila henni með ykkur. Birti því svar mitt til baka, þar sem hún m.a. var opin fyrir hugmyndum um málefnin og hvatti mig til að leggja orð í belg. Ég get eiginleg ekki annað en bent fólki á að kynna sér þennan frambjóðanda, hún heitir Maríanna Bergsteinsdóttir.

Maríanna Bergsteinsdóttir

http://www.facebook.com/profile.php?id=1061339528&ref=ts

Takk fyrir mjög góð svör Maríanna. Greinilegt að þú ert vel þenkjandi manneskja að mínu skapi, mjög sammála mörgu sem þú leggur fram. Tel öruggt að þú verðir í einhverjum af efstu sætum míns kjörseðils.

Ég hef mikinn áhuga á stjórnlagaþinginu enda mikið hugsað um það í nokkur ár hversu rotið kerfið er orðið og breytinga sannarlega þörf. Hefði sennilega boðið mig fram sjálfur ef ég hefði haft tíma, en vil í staðinn verja mínu atkvæði vel.

Rotið stjórnkerfi Íslands í hnotskurn. Ef vel er að gáð má greina andlit einstakra þingmanna í hrúgunni...

http://www.guerreroink.com/2010/08/30/the-rotten-apple-and-customer-service-mistakes/

Hef einmitt mikið hugsað um persónukjör í langann tíma. Það er í raun nánast nauðsynlegt enjafnframt verður að ræða það vel og vanda framkvæmdina, líka með tilliti til landsbyggðarinnar.

Ég skil vel, og er hlynntur því að atkvæðajafnvægi verði jafnað verulega, þó ekki kannski alveg, þar sem landsbyggarfólk er mikið færra en fólk á höfuðborgarsvæðinu. Hinsvegar eru aðstæður landsbyggðarinnar gjörólíkar og hagsmunamálin mikið fleiri, flóknari og ólíkari en fólks á höfuðborgarsvæðinu. Þar eru hagsmunamálin flest af sama toga, og jafnframt sameiginleg landsbyggðarfólkinu. Það er hinar ólíku aðstæður atvinnutækifæra, samgangna, fjarskipta, skólamála o.fl. sem gera landsbyggðina ólíka sv-horninu. En kjördæmapotið er hins vegar ekki að mínu skapi og partur af þeirri ógeðfelldu og gegnumsýrðu vina- og hagsmunapólitík sem hefur viðgengist í áratugi.

Öll vötn renna nú til Landsvirkjunar og öll atkvæði renna til höfuðborgarinnar

http://www.b2.is/?sida=tengill&id=295560

En án þess að égvilji þusa þig í kaf er ég með hugmynd að persónukjöri sem gæti verið punktur til að sameina landið. Hún felst í því að fjölga kjördæmum og miðla þingmönnum meira eftir íbúafjölda, sem jafnframt sameinar frekar fólk með líka hagsmuni (t.d. bý ég í suðurkjördæmi þar sem Suðurland með sína landbúnaðar- og þjónustuatvinnuvegi er í kjördæmi með iðnaðar- og sjávarútvegsatvinnu Suðurnesja, þessi svæði eiga enga samleið).

Frambjóðendur í suðurkjördæmi fundu þessa forlátu sækú við atkvæðaveiðar fyrir síðustu kosningar

http://www.islandrace.com/waffle/newbook.htm

Fólk fengi að kjósa t.d. þrjú atkvæði í sínu kjördæmi og þrjú atkvæði á landsvísu. Frambjóðendur væru í persónukjöri í sínu kjördæmi, engir flokkslistar. Ákveðinn fjöldi þingmanna væri landskjörinn og hinir kjördæmakjörnir. Þeir sem fengju flest atkvæði á landsvísu væru landskjörnir og flyttust þar með upp úr kjördæmakjörinu, (vona að þú skiljir þetta).

Frambjóðendur nota ýmsar aðferðir til að undirbúa sig. Þessi nýtir sér þvottavéla til að æfa sig í að tala í hringi

http://pixdaus.com/index.php?pageno=32&tag=funny&sort=tag

Þá hefði fólk bæði val um fulltrúa fyrir sjónarmið síns landshluta og val um hæfasta fólkið á landsvísu.

Þessir kornungu þingmenn endurnýjuðu tengsl sín við almenning með því að útkljá kosningabaráttuna í FIFA 2010

http://pixdaus.com/index.php?pageno=32&tag=funny&sort=tag

Bara svona hugmynd. Veit ekki hvort þú hefur nennt að lesa þetta, en gangi þér vel í baráttunni.

Kveðja, Don Ellione

Hópþrýstingur

Mon, 08 Nov 2010 13:03:17 GMT

Vegna skiptra skoðana fólks og mikils hópþrýstings hef ég ákveðið að gera könnun meðal almennings um hvað sé inn í hártísku mafíósa þessa dagana, hún er hér til vinstri á síðunni. Komi ekki afgerandi niðurstaða frá þjóðinni er hætt við að allar niðurstöður verði teknar til greina sem þýðir sambland af öllu shitinu.

Samkvæmt áreiðanlegum heimildum vakti þessi klipping mikla ánægju meðal almennings og er sérstaklega vinsæl á hárgreiðslustofum um þessar mundir

Jarðhundadagur

Fri, 05 Nov 2010 15:30:57 GMT

Virtir sérfræðingar frá 75 löndum hafa mánuðum saman rannsakað Alþingi í þeirri vona að finna ástæðu þess að sífelldar endurtekningar, stöðnun og stöðvun framþróunar hefur átt sér stað á Alþingi án skýringar. Hegðunarmynstur þingmanna hefur verið í hæsta máta undarlegt og virðist einkennast að því að atferli þeirra gengur í hringi og endurtekur sig í sífellu.

Dr. Latex fer fyrir vísindamönnunum

Atferlishringurinn virðist ganga yfir á sólarhring og byrjar þá aftur frá byrjun. Hefur þessi undarlega hringrás staðið yfir í rúm tvö ár. Þó ber að geta að dagamunur er á athöfnum og orðalagi þingmannanna en engu að síður hafa þeir átt við sömu vandamál og stundað sömu athafnir allan þennan tíma án þess að gera sér grein fyrir eigin atferlisfötlun. Það virðist innprentað meðal þessa úrkynjuðu og sjaldgæfu tegundar að þeir séu ávallt að vinna nýja sigra og hampa sjálfum sér í lok hvers dags fyrir eigin háðsglósur á andstæðinga sína auk þess að klappa sjálfum sér á bakið fyrir að hafa leyst öll úrlausnarefni dagsins með því að munnræpa í ræðustól yfir skjöl og bak annarra af sömu tegund.

Þessi hrekkur stjórnarandstöðunnar þótti takast einstaklega vel, þar sem ríkisstjórnin gekk með siðblindugleraugu í heila viku án þess að taka eftir því

Atferlið sjálft hefur vakið töluverða athygli og taldi vísindahópurinn fyrst að hér væri um að ræða ofvaxna tegund sem hefði klofið sig frá mun minni mannverum af „leikskólakyni" þar sem heguðunarmynstrið virtist við fyrstu sýn svipað. En við nánari athugun reyndist atferlið lang frá því eins þróað og svokölluð leikskólabörn og töluvert neðar í þroska. Raunar þykir uppgötvun á þessari tegund einstök að því leiti að slík vanþróun í mannlegum samskiptum hefur hvergi fundist í heiminum, á engum tímapunkti í lífi manneskja alveg frá getnaði og fósturst til ellidauða.

Pétur Blöndal hefur oft verið sprautaður niður eftir að hafa misst sig í rifrildi við sjálfan sig

En nú hefur komið í ljós hvers kyns er. Eitt eintak þingmanna þessa sagði í ógáti og án allrar vitundar um hvað hann sagði og meinti í raun og veru, frá galla tegundarinnar. Hún hefur öll reynst vera sýkt af svokölluðu „jarðhundadagsheilkenni“ eða "groundhogdaysyndrome" sem lísir sér í því að þingmennirnir upplifa sama dag aftur og aftur og það skýrir hvers vegna sömu verkefni og umræður eiga sér síendurtekið stað.

Sigmundur Davíð hefur ítrekað verið staðinn að því að viðhafa orð sem hann hefur engan skilning á hvað merkja

Þegar farið var að kanna nánar hvað ylli því að heilkennið hefði heltekið þingmennina kom í ljós að fyrir rúmum tveimur árum sviðsetti hinn illi Master of the Dark eða Myrkrahöfðinginn (Hrafn Gunnlaugsson) svokallað hrun til og sýkti vísvitandi þingmennina með heilkenninu til að framkvæma sjúklegar sálfræðitilraunir sínar í raunveruleikasjónvarpi sem hann seldi beint til yfirvalda flestra ríkja heims. Ríkin fengu svo að bæta kryddi í þættina með alls konar pólitískum yfirlýsingum, fjárhagskröfum og óraunhæfum hótunum gegn svívirðilega lítið sanngjörnu gjaldi. Til að koma í veg fyrir stöðnun skipti Myrkrahöfðinginn svo út nokkru af leikaraliðinu vorið 2009 en hélt þó nokkrum af gömlu leikurunum eftir sem gestaleikurum í völdum þáttum.

Myrkrahöfðinginn hefur áður gert óskunda. T.d. olli hann Íslensku þjóðinni óbætanlegu tilfinningalegu tjóni fyrir nokkrum árum þegar hann birti sjálfsævisögu sína í kvikmyndaformi

Allur hinn gríðarlegi ágóði, sem í raun hefur valdi alþjóðlegri heimskreppu sökum mikils tilkostnaðar ríkja heims við kaup á þáttunum, rennur þó til góðs málefnis. Allur ágóðinn rennur í framkvæmdasjóðinn Myrkraverk sem Myrkrahöfðinginn mun nota til heimsyfirráða og að lokum dauða við hátíðlega athöfn í beinni útsendingu í lokaþætti síðustu seríunnar þar sem hann mun láta krossfesta sig og brenna sig á báli. Með þessu hyggst hann verða ódauðlegt nafn í mannkynssögunni fyrir afrek sín og yfirburði.

Hrafn hefur saumað sér sérstakan búning sem hann telur að muni hjálpa honum að falla inn í hóp almennings á Íslandi

Nú vinna vísindamenn hörðum höndum að því að finna mótefni við heilkenninu en það virðist enn sem komið er algjörlega ólæknanlegt. Einnig hefur verið reynt að hafa uppi á Myrkrahöfðingjanum en við umfangsmiklar vettvangsrannsóknir í fylgsni hans í Laugarnesi hafa fundist jarðgöng sem liggja í óleysanlegt völundarhús sem fjöldi lögreglumanna hefur horfið í. Talið er að í þessu völundarhúsi liggi göng til flestra landa heims svo vonlaust virðist að hafa uppi á manninum. Helst er þó talið að hann feli sig meðal górilla í Afríku enda þónokkur líkindi með þeim í útliti.

Það er jafnvel talið að Hrafn sé getinn í frumskógum Afríku, og sé í raun hálfbróðir Tarzan

Nýtt framboð í Árborg

Sat, 24 Apr 2010 01:53:12 GMT

Samkvæmt öruggum heimildum frá sérlega ótraustum heimildarmanni hefur Ingó, Ingólfur Þórarinsson söngvari og kvennabrons, eins og hann kallar sig sökum gífurlegra vinsælda bronsmálmsins eftir EM í handbolta, ákveðið að setja saman framboðslista fyrir komandi bæjarstjórnarkosningar í Árborg.

http://files.reseguiden.se/files/19/rg_848419_m600.jpg
Heimildarmaðurinn þykir í alla staði mjög ótraustur í orði en afar trausvekjandi í útliti

Mun listinn bera nafnið Gestalistinn og hafa listabókstafina XXX. Athugasemd barst þó frá hljómsveitinni og villingunum í XXX Rottweiler þar sem þeir hugðust nota bókstafina fyrir sitt framboð eftir vinsælan framboðsfund á 800 bar fyrir nokkrum misserum, en þeir voru gripnir af hundaeftirliti Árborgar á leið sinni að tilkynna framboðið.

http://userserve-ak.last.fm/serve/252/224660.jpg
Hér sjást Rottweilerhundarnir í búrum sínum hjá hundaeftiliti Árborgar

Aðspurður sagði Ingó að hugmyndin hafi komið upp í “sveittu partýi” og þeir félagar hafi svo ákveðið að láta slag standa. Ingó mun leiða listann en verið er að raða í önnur sæti listans. Ingó tjáði fréttamanni að Eyþór Arnalds hafi verið tilbúinn að yfirgefa lista Sjálfstæðismanna fyrir “öruggt sæti sem gæfi góðan pening í laun” en hann fékk því miður ekki far á stofnfundinn svo hann varð að sætta sig við Sjálfstæðisflokkinn.

http://crazypages.ru/uploads/posts/2008-09/1221288574_1.jpg
Heyrst hefur að ferð Eyþórs í Hornið hafi dregist á langinn síðastliðinn þriðjudag

Einnig hafði Ingó samband við Unni Birnu en hún vildi einungis taka þátt ef boðið væri fram á landsvísu, “enda löngu yfir það hafin að taka þátt í einhverjum landshlutakeppnum, meira svona á heimsvísu.” Ingó náði þó að sannfæra hana um að verða bæjarstjórafrú ef hann kæmist til valda, enda fengi hún að gista frítt eins oft og hún vildi.

http://images.hugi.is/tiska/50880.jpg
Unnur Birna hefur nú þegar hannað embættisskart fyrir bæjarstjórafrúarembættið en Ingó verður að hennar sögn að láta sér nægja pappakórónu

Þá er ljóst að Jóhanna Guðrún muni vera í 2. sæti “þó hún sé orðin fokking þreytt á að vera alltaf númer 2”. Sennilega verður raðað í önnur sæti með drykkjukeppni. “Það verða þarna hinar og þessar hjásvæfur eins og Friðrik Ómar og einhverjar 10 aðrar konur, maður er náttúrulega búinn að lofa allt of mikið upp í ermina á sér.”

http://midi.is/images/1.5858.big.jpg

Jóhanna Guðrún ku vera brjáluð út í 2. sætið á listanum og annað sæti í hjarta Ingó á eftir Unni Birnu. Hefur hún skorað á Unni, "þetta uppstrílaða snobbhænsni" í skyrglímu sem mun verða opnunaratriði Vor í Árborg

Heyrst hefur að Arnar Grant verði kosningarstjóri og hönnuður listans en helstu stefnumál eru einnig að komast á hreint. “Við viljum poppa bæinn svolítið upp og reisa froðudiskó í miðbænum svo hér verði miðstöð froðupopps á Íslandi. Svo vill Kalli Bjarni setja mikla áherslu á uppbyggingu Litla-Hrauns og aukin þægindi fanga. Logi Geirsson ætlar líka að opna silververksmiðju í sveitarfélaginu enda viðeigandi í höfuðstað hnakkamenningarinnar.

http://info-alberghi-adriatichotels.sanmarinosite.com/images/foam_party.jpg
Talið er að froðudiskóið muni hressa verulega upp á þurrlegar umræður í ráðhúsinu og bæta móralinn í bæjarstjórn

Að lokum mun nafni Árborgar verða breytt í Bahama og höfuðstöðvar Veðurstofunnar fluttar á Selfoss, þar sem þetta séu nú Veðurguðirnir sem standi að framboðinu.

http://www.destination360.com/caribbean/bahamas/images/s/bahamas-freeport.jpg

Stefn er að því að setja upp ilströnd í Tjarnarbyggðinni

Jóladólgurinn

Wed, 24 Dec 2008 15:57:45 GMT

Jóladólgurinn rumskar og rís

Úr rekkju sinni og geiblar sinn skolt

Að verða á vegi hans engum er hollt

Varast það konur, kettir og mýs

Stikandi illgjarn um strætin hann æðir

Sönglar með falsknótum orðljótar vísur

Starir með athygli á fullungar skvísur

Þá stúlka ein lítil sér að honum læðir

Með rauðkulið nef og veikróma röddu

Réttir fram hönd sína og biður að heyra

Móðir mín skuldar þér, getur ei meira

Muldrar að áður fyrr, jól okkur glöddu

Horfin að mestu sú hamingja er áður

Hreif okkur áfram, viltu ekki vinur

Vera okkur góð, þá ei heimilið hrynur

Heyrt hef ég sagt, þú sért nokkuð fjáður

Dólgurinn hnussar, dirfist þú skjáta....

En dregur í land og lítur það bjarta

Biðjandi andlit sem bræðir hans hjarta

Breytir um fas og verður að játa

Af aurum á nóg, ég ekki vil skemma

Afmælisveislu er jólin við köllum

Frá kröfum og fjárnámi öllu við föllum

Fælum burt ógleði og áhyggjutremma

Sú litla þá brosir og ljómar í framan

Lævís hún kenndi dólgnum að gefa

Hemur með kærleik hans rukkandi hnefa

Halda má jólin öll fjölskyldan saman

Dólgurinn brosir en breytir því skjótt

Bregður upp depurð og ætlar á brott

Einn er á jólum sem engum er gott

Aleinn hann situr við rökkvaða nótt

Vertu með okkur, vesalings maður

Vertu ekki einn, það vil ég ei vita

Við getum boðið þér vinsemd og bita

Þá vonandi geturðu orðið glaður

Hönd í hönd þau saman snúa

Heim í kotið þar móðirin biður

Gleðileg jól, gamall er siður

Við gjafir er betra en sorgir að búa

Kæri Jóli

Mon, 22 Dec 2008 15:36:27 GMT

Kæri Jóli.

Vegna breyttra aðstæðna hjá meðleigjanda mínum er égtilneyddur til að reyna á gjafmildi þína þessi jól með bón um ofur litlajólagjöf.

Bónin varðar uppá nýjan meðleigjanda. Ekki kannskialveg nýjan, ég meina ekki nýskriðinn úr egginu en má alveg vera nokkuð nýlegursvona miðað við mannsaldur og alveg bara meira en það sko ef vill.

Það sem ég hef að bjóða handa meðleigjandanum errúmgott herbergi á Selfossi og sameiginlega stofu, eldhús og klósett meðsturtu. Svo er líka ókeypis aðgangur að sjónvarpi, þvottavél, ísskáp og öðrumheimilistækjum, þráðlausu interneti, sófa og fullt af dóti.

Svo hef ég líka að bjóða honum félagsskap með mér. Éger kassavanur, hresslegur, sanngjarn og vingjarnlegur og bara nokkuðumgegnisgóður er mér sagt. Ég er reyndar soldið mikið í leikhúsinu mínu en þáer líka engin hætta á að fá overdose af mér.

Íbúðin er líka mjög vel staðsett. Það er stutt í búð,banka, bjór og brennivín, bókasafn, bakarí, bíó, blómabúð, kaffihús, klippingu,sjoppu, strætó, sund, mat, tannlækni, vídeó, pósthúsið, ráðhúsið og leikhúsið.Gæti eiginlega ekki verið betra.

Viðkomandi getur fengið herbergið um áramótin ogjafnvel flutt inn milli jóla og nýárs. Og Jóli, þú getur mátað þá/þann sem þúheldur að passi fram að jólum og milli jóla og nýárs. Þú hringir bara í mig ís: 8480963 eða sent mér póst á donellione@gmail.com og þá finnum við hentugantíma.

Fyrir allt þetta þarf bara að borga 30 þús. á mánuði,allt innifalið.

Ég vona að þú finnir einhvern sem passar í skóinn minneða undir tréð handa mér, mér finnst svo leiðinlegt að búa einn og þá á ég líkasvo lítinn pening þegar fram í sækir. Vona að þú getir uppfyllt þessa litlu óskmína kæri Jóli.

Kær kveðja

Þinn Don

Gerum uppreisn

Tue, 16 Dec 2008 01:40:51 GMT

Það hefur líklegaekki farið fram hjá neinum Íslendingi að Ísland er annað í dag en fyrir örfáummánuðum. Allir vita hvað gerst hefur á yfirborðinu en almenningur veit ekkerthvað hefur gerst í dimmum reykfylltum bakherbergjum fjármálastofnana, ríkisstjórnarinnarog þingmanna. Eitt er þó vitað að þeir sem bera ábyrgð á hruni þjóðfélagsinshafa á engan hátt borið sína ábyrgð í þessu máli og sitja enn sem fastast. Þeirsem raunverulega komu okkur í þrot sitja nú við fulla aska sína og éta á siggat og fylla vasana af peningum frá ríkinu við að rannsaka eigin afglöp.Hvernig getum við sem þjóð látið þetta yfir okkur ganga? Þetta er eins og aðláta dómara knattspyrnuleiks skera úr um hvort hann hafi dæmt rétt eða ekki íleiknum.

Shakesphere orti svo snilldarlega ímeistarverki sínu Hamlet ,,Það er eitthvað rotið í Danaveldi”. Ég vil heimfæraþetta upp á Ísland með orðunum það er eitthvað rotið í bankaveldi. Það kemursífellt betur og betur í ljós að Íslenskt stjórnkerfi og fjármálakerfi ervaðandi í spillingu sem mig grunar að sé áratuga hefð fyrir innanstjórnkerfisins og fari síst minnkandi. Það má segja að ástæðan sé kannski súað það er ekki svo langt síðan við vorum í Danaveldi. Við erum ung þjóð oghöfum kannski ekki enn lært hvernig sjálfstæð þjóð knýr fram réttlæti gagnvartægivaldi stjórnvalda.

Hér á landi er þaðekki til siðs að menn í ábyrgðarstöðum víkji þó þeir verði uppvísir aðembættisglöpum, spillingu eða löglegri en siðlausri háttsemi. Ég minnist þessþegar ný ríkisstjórn var mynduð í Svíþjóð eftir síðustu kosningar og einnráðherra ríkisstjórnarinnar var settur af því hann hafði ekki borgaðafnotagjöldin. Þetta kallast að sína ábyrgð. Þetta þekktist ekki á Íslandiþangað til nú á haustmánuðum. Þá sagði Bjarni Harðarson af sér þingmennskunokkrum klukkustundum eftir alvarleg mistök í starfi. Fólk spurði þá ífurundran, af hverju sagði hann af sér, hann hefði alveg getað setið áfram. Égspyr þá á móti, af hverju finnst okkur það skrítið? Af hverju er það ekkieðlilegt?

Öðruhvoru dúkka upp viðtöl við útlendinga hér á landi um þeirra álit á ástandinu ogvekur nær undantekningalaust mesta furðu hjá þeim hversu linir Íslendingar eruað mótmæla og að löngu væri búið að efna til óeirða í þeirra heimalöndum. Égheld að svarið við þessu sé að við erum einfaldlega svo óreind í mótmælum aðvið erum enn að prófa okkur áfram. Eins og áður sagði er stutt síðan við fengumsjálfstæði og við erum líkt og lítið barn í samfélagi þjóðanna. Lítil börnþurfa að læra og við erum ennþá að læra af reynslunni. Við höfum prófað ýmsartegundir af mótmælum en höfum ekki hitt á þá réttu ennþá, ekki nógu róttækaaðferð sem neyðir stjórnvöld til samvinnu við okkur, þjóðina, sem erum í raunatvinnurekendur þeirra og þau eru fulltrúar okkar líkt og stjórnarmennfyrirtækja starfa í umboði hluthafa.

Undanfarnar vikurhafa verið reynd fjöldmótmæli með ræðuhöldum og þagnareiðum, jafnframt hefurverið reynt að ganga fram með hálgerðu ofbeldi og offorsi en hvorugt hefurvirkað enda þjóðin ekki staðið á bakvið þessi mótmæli með afgerandi hætti. Égtel að ofbeldisfull mótmæli séu ekki rétt viðbrögð við vandanum þó þau virkierlendis. Við erum friðsæl þjóð og okkur hugnast ekki slík mótmæli. Ég tel líkaað orðagjálfur og þrumuræður með þátttöku lítils brots þjóðarinnar stoði lítið.Ég vil fara friðsama en áhrifaríka leið líkt og Mathama Ghandi beitti bæði íS-Afríku og Indlandi en á aðeins annan hátt.

Íslendingareru vanir að fara ótroðnar slóðir í hverju því sem þeir taka sér fyrir hendurog það tel ég að við eigum að gera núna. Krafa þjóðarinnar er skýr, að þeir sembera ábyrgð á ástandinu víkji úr bönkum og fjármálastofnunum og að hæfir óháðiraðilar taki við uppbyggingunni, fyrr verður aldrei vinnufriður og sátt. Það semmeira er og kannski ekki allir átta sig á, fyrr öðlumst við aldrei traust ogtækifæri á að eiga viðskipti við útlönd. Hvers vegna í ósköpunum ættu erlendirfjárfestar að hafa nokkurt traust á þjóð sem arðrænir almenning víðs vegar umEvrópu og gefur svo sömu mönnum frið til að endurtaka leikinn óáreittir án þessað fá svo mikið sem væna rasskellingu? Það verða engar erlendar fjárfestingarhér á landi og við öðlumst ekkert traust í alþjóðaheiminum fyrr en við höfumskipt út þeim sem gerðu í buxurnar fyrir hönd þjóðarinnar. Við höfum valdið envið verðum að nota það þannig að það virki.

Hvaðer gert við þær þjóðir sem sem hafa hlotið fordæmingu alþjóðasamfélagsins ogverða ekki við kröfu heimsins um að breyta sínu háttalagi? Þær eru beittarviðskiptaþvingunum. Það er mín tillaga. Við beitum stjórnvöldviðskiptaþvingunum.

Stjórnvöld lugu aðokkur að allar innistæður bankanna væru tryggðar og fólk skildi ekki hlaupa tilhanda og fóta og taka út peninga sína. Lugu segi ég því hvað gerðist jú meðpeningamarkaðssjóðina, 20-30 % þeirra gufuðu upp. En með þessu eru stjórnvöld aðvarpa ábyrgðinni á okkur og beita okkur hótunum. Ef þið takið út peninginnsetjið þið þjóðina á hausinn. Það er einmitt okkar vopn sem við getum beitt.Við stillum stjórnvöldum upp við vegg og segjum: Við tökum helming allra okkarpeninga út af reikningum bankanna þann 15. janúar ef ekki hefur verið skipt umstjórnendur í Seðlabankanum og ríkisbönkunum. Hvað gerist þá, jú bankarnir faraallir á hausinn. Þar með erum við búin að setja ábyrgðina yfir ástjórnvöld.

Okkar sterkasta tækií þessum aðgerðum verður að uppfræða umheiminn um tilvonandi aðgerðir okkar. EfAlþjóða gjaldeyrissjóðurinn veit af yfirvofandi hættu situr hann ekkiaðgerðarlaus hjá og það gera heldur ekki hinar þjóðirnar sem eru að lána okkurpeninga vegna þess að við gjaldþrot landsins fá þeir ekkert af sínum lánum tilbaka. Við stöndum við okkar aðgerðir, það er undir stjórnvöldum komið hvortþeir setja þjóðina á hausinn eða ekki. Stjórnvöld verða föst milli steins ogsleggju bæði frá þjóðinni og alþjóðaheiminum. Þá fyrst fer ríkisstjórnin aðvinna í okkar umboði, það gerir hún ekki í dag.

Þettaer okkar leið til að gera uppreisn, til að hefta óréttlætið og spillinguna semekkert mun breytast ef við ekki rísum upp fyrir okkur sjálf sem sjálfstæð þjóðog fyrir börnin okkar svo þau verði ekki arðrænd líkt og gert hefur verið viðokkur áratugum saman. Við höfum valdið og nú er tækifærið til að nýta það, aðláta rétta aðila taka ábyrgð á gjörðum sínum. Sýnum að við séum sjálfstæð þjóðog getum staðið saman.

Ég vitna í Jón Sigurðsson sem færði okkurfrelsið sem þjóð: ,,Vér mótmælum allir!”

Smá

Sun, 14 Dec 2008 02:18:35 GMT

Misstigin ást

Ég græt þegar ég er gamall

gildi þau er svík ég nú

sár þá sit ég einsamall

svikið hef ég mína trú

Kvenkynið er kyndug skepna

kveikir mörgum manni þrá

Bölvað getur reynst að bera

brostna von um stúlku að fá

Varir hennar óvart vætti

vörður hugans svaf þá stund

Ef ráð ég hefði og snúa mætti

því óvelkomna boði á hennar fund

Horfið burt úr höndum mínum

hefur stúlkan sem ég ann

Aldrei meir í örmum þínum

ástúðlega ég hvíla kann

Af hverju er þessi mynd?

Sun, 16 Nov 2008 23:53:42 GMT

Hvað er þetta? Tók mig smá tíma að átt mig á myndinni.

Þrjóskir Íslendingar og gjaldþrot kapítalismans

Tue, 07 Oct 2008 02:59:19 GMT

Segja má að Íslendingar hafi afrekað margt á þrjóskunni og hún hafi löngum haldið lífi í þjóðinni. En öllu má ofgera og það er líka hlutur sem þjóðin hefur verið dugleg í undanfarin ár í faðmi velmegunar og ofgnótta. Maður hefði haldið að flestir hefðu lært eitthvað af því að fara flatt á eyðslufylleríinu síðustu ár og hefðu séð ljósið í yfirdraumaeignastefnunni þegar partýið var búið og innistæðan á lífsgæðakreditkortinu er komin langt niður fyrir núllið.

Maður hefði haldið að vísitölufjölskyldan sem samanstendur af snobbkenndu þykjusturíku margfráskildu pakki með 2 börn og 3 önnur börn úr hinum og þessum hjónaböndum, 5-12 milljón króna jeppa, 2 aðeins ódýrari lúxuseinkabíla, hjólhýsi álíka stórt og meðal sumarbústað, sumarbústað í 5-faldri yfirstærð, 2 flatskjái í hvert herbergi með heimabíókerfi, vélsleða og fjórhjól auk hins 300-400 fermetra einbýlishúss, væri búin að læra með stigvaxandi greiðslubyrgði að hún hafi eytt um efni fram í góðærinu en því miður virðist sannleikurinn vera liggja langt því frá.

Meðan heimskreppa leggur hvern Íslenska bankann af öðrum að fótum sér keppast Íslendingar við að hlaða upp óborguðum afborgunum af visakortunum og auka skuldir heimila sinna sem aldrei fyrr. Nú síðustu helgi opnaði enn ein verslunarmiðstöðin í grennd við Korpúlfsstaði og viti bornir menn hlógu innra með sér hvað mönnum gengi til að opna risa verslunarmiðstöð þegar allt væri á leið til andskotans á landinum.

En sá hlátur breyttist fljótt í eitt allsherjar spurningarmerki í ofurhástöfum, undrunarsvip sem náði frá hársverði og niður fyrir nafla auk reiði sem orsakaði ítrekaðar svívirðingar og yfirdrullunarhátt gagnvart þjóðfélaginu. Inn á milli þúsunda frétta af yfirvofandi gjaldþrotum, atvinnuleysi og örbyrgð heimila, fyrirtækja og atvinnulífs komu fréttir af enn stærra kaupæði en áður hefur sést á Íslandi við opnun þessarar nýju hallar kapítalismans.

Hvað gengur þessu fólki til? Er það ekkert að fylgjast með? Hefur það ekki kíkt á reikningana sína og heimabanka nýverið? Skilur það ekki að við erum að upplifa dimmustu öngstræti þjóðarinnar í fjármálum nánast frá upphafi landnáms?

Ef Íslendingar gera eitthvað betur en að eyða peningum, þá er það að eignast ný heimsmet. Það virðist vera í uppsiglingu núna. Heimsmet í skuldum heimila, heimsmet í gjaldþrotum heimilanna, heimsmet í yfirdráttarheimildum, heimsmet í opnun verslunarhúsnæðis á krepputímum, heimsmet í offjárfestingum, heimsmet í ráðleysi stjórnvalda, heimsmet í að verðlauna þá sem bera ábyrgð á vandræðum okkar.

Hvað gerðu jú stjórnarliðar þegar ljóst var að í óefni stefndi í sumar? Ekki neitt heldur biðu þeir í vari líkt og þegar maður bíður af sér rigningardembu en áttuðu sig ekki á að þetta er ekki bara demba heldur syndaflóð. Og það flæðir ekki fyrir syndir feðranna heldur syndir okkar núlifandi, syndir gleypandi dverganna ógurlegu frá Íslandi sem réðust gegn Golíat umheimsins og, eins og komið er í ljós, töpuðu.

Til að bæta gráu ofan á svart eru þessir sömu ráðamenn svo verðlaunaðir fyrir ómakið að setja Ísland nánast á hausinn með launahækkunum fyrir vel unnin störf við að gera ekkert og því ekki að hækka þau bara aftur í tímann enda skilja þeir mikilvægi þess að predika um að draga úr útgjöldum ríkisins með því að eyða hundruðum milljarða í umsókn um sæti í öryggisráðinu (sem við fáum örugglega eftir að hafa orðið að athlægi fyrir offjárfestingar undanfarinna ára) og panta sér ferðir fyrir maka og fjölskyldur á handboltaleiki nokkrum sinnum í mánuði þegar þeim hentar svo ég tali nú ekki um mikilvægi þess koma upp öryggissveitum gegn hryðjuverkamönnum meðan löggæslan getur ekki sinnt eðlilegu vega- og miðbæjareftirliti. Þeir ákváðu þó að reyna að klóra í bakkann gegn óþarfa útgjöldum með því að kæra hverja þá sem fóru að fordæmi Oliver Twist og báðu um meira líkt og ljósmæður.

Þessir menn og konur sitja nú sem fastast og lýsa sjálfa sig sem hetjur dagsins með því að bjarga Íslandi frá gjaldþroti sem löngu hefði mátt afstýra með aðgerðum sem allir sáu að væru nauðsynlegar fyrir nokkrum mánuðum nema þessi blessaða ríkisstjórn okkar. Þeir eru fremstir í flokki aðgerða nú með pabba sinn Dabba kóng í Seðlabankanum sem sá sér leik á borði og rassskellti stóru strákana sem voru að stríða honum forðum daga, og stal öllum flotta dótinu þeirra í þágu þjóðarinnar. Og fyrst hann fékk leyfi til þess, af hverju þá ekki að ganga lengra og segja ríkisstjórninni hvað hún ætti að gera næst.

Þeir eru ósköp aumingjalegir að sjá stjórnarmenn bankanna núna sem gráta í koddann á kvöldin og koma með skottið á milli lappanna í hvert viðtalið á fætur öðru eins og 10 ára pabbastrákur sem kúkað hefur í buxurnar fyrir framan allan bekkinn. Enda ekki annað hægt þegar Dabbi kennari er búinn að skamma þá og líka Geir skólastjóri eftir skipanir kennarans um að fara að fordæmi sínu.

Og meðhjálpari Íslenskra stjórnvalda í þessu öllu saman er ekki af verri endanum, sjálfur kapítalistakóngurinn Bush, illa innrætti strákurinn sem kveikir á stórum kindli þótt honum væri bannað það og missir kindilinn svo í heyið í heimshlöðunni sem geymir uppskeru allra þjóða og í kjölfarið veldur uppskerubresti og hungursneyð.

Þetta sýnir svart á hvítu að hreinn og óheftur kapítalismi gengur ekki upp frekar en óheftur kommúnismi. Allt er best í hófi og það hefur komið bersýnilega í ljós undanfarin 20 ár. Heimstákn kommúnismans leið undir lok með Sovétríkjunum fyrir um 20 árum og nú rambar heimstákn kapítalismans, Bandaríkin, á barmi gjaldþrots eftir afleiðingar óknyttastráksins með kyndilinn sem kveikti elda í Mið-Austurlöndum til að eignast meiri peninga, stela olíuauði fátæks einræðisríkis í græðgi sinni en réði svo ekkert við eldinn og hefur siglt þjóðarskútu sinni í strand á meðan hann berst við eldinn.

Og hverjar eru afleiðingarnar? Hrun húsnæðismarkaðsins í Bandaríkjunum sem setti af stað heimskreppu verri en nokkurri sem áður hefur sést og um leið gjaldþrot kapítalismans. Til hamingju með árangurinn herra Bush!

Skamm skamm

Sun, 21 Sep 2008 22:34:30 GMT

Nú er fólki nóg boðið. Undanfarið hefur rignt yfir mig skömmum um bloggleysi og eymingjaskap svo stolt mitt og skapferli hefur beðið alvarlega álitshnekki og liggur undir skemmdum.

Ég sé mér því þann kost einan að verða við þeim óteljandi óskum og hótunum um líkamsmeiðingar og lostafullum refsingum sem ég hef fengið sökum bloggleysis og þagnareiðsháttar sem þykir afar smekklaust og viðurstyggilegt af minni hálfu. Meira segja menn búsettir í Rússlandi með yfirlýst tengsl við KGB hafa munnhoggist og mannmyrt minn orðstír fyrir lélegan árangur á ritsviðinu.

Ég hef líka fundið mér vert viðfangsefni til umræðu. Ég var nefnilega á afar skemmtilegu og vönduðu leiklistanámskeiði um helgina í umsjón Gunnars Sigurðssonar leikara og leikstjóra. Þannig er mál með vexti að góð leiklistarnámskeið eru ekki bara fyrir upprennandi leikara heldur fyrir hvern sem er. Leiklist byggist nefnilega á því að spegla mannlegt eðli, miðla mannlegum þáttum og túlka þá fyrir áhorfendur og hvernig mismunandi karakterar geta haft áhrif á hvorn annan og hvernig undarlegar eða ósköp venjulegar aðstæður geta breytt gangi lífsins.

Til að leikhús virki verður fólk að trúa því sem það sér og leikarinn verður að trúa því að hann geti sannfært áhorfendur. Ef leikari hefur ekki trú á sér trúir áhorfandi ekki því sem leikarinn er að reyna að túlka á sviðinu.

Þetta er alveg eins með daglegt líf. Til eru dæmi um þetta nánast daglega í lífi hvers einast manns, hvort sem um er að ræða foreldra, kennara, stjórnendur eða fyrirliða íþróttaliðs. Ef þeir eru að tala við "skjólstæðinga sína", hvort sem það eru börnin sín, liðsmenn, undirmenn eða aðrir, verður viðtakandi upplýsinganna eða skipananna að hafa trú á viðkomandi, annars taka þeir ekki mark á upplýsingunum.

Sem dæmi er það ekki sérstaklega traustvekjandi yfirmaður sem kemur inn á fund í stresskasti með allt í óreiðu. Eins er það með foreldra sem reyna að hughreista börnin sín t.d. eftir jarðskjálfta, ef börnin skynja ótta í fasi foreldrana taka þau ekkert mark á hughreystingum þeirra. Foreldrarnir þurfa því að "leika" hina óhræddu foreldra þó svo að óttinn sé innra með þeim.

Því miður hefur leiklist og tjáning ekki verið fastur liður í kennslu barna hingað til. Börn frá 4 - 10 ára aldri eru mjög meðtækileg fyrir leiklist og leikjum tengdri henni. Þau eru ekki orðin föst í þeim hömlum sem einkennir fullorðið fólk og tjáskipti þeirra. Þau þora að sleppa sér í leik og þau hafa ekki áhyggjur af áliti annarra og mörkin milli þess að gera rétt og rangt í leik eru mun víðtækari. Þetta lærir fólk í leiklist, brjóta niður mörk og leyfa sér að hugsa út fyrir kassann.

Ég tel því afar mikilvægt, ekki síst á tímum tjáskipta í formi sms-a og msn, að börn læri mannleg samskipti maður á mann, tjá sig með orðum og athöfnum augliti til augliti við þann sem samskiptin beinast að.

Sem betur fer er leiklist að aukast verulega í kennslu, bæði sem valfög og sem partur af kennslu barna. Ég tel að leiklist geti verið gríðarlega þroskandi fyrir einstaklinga til að öðlast meira sjálfstraust, vera opnara og vinna gegn feimni sem nýtist þessum einstaklingum til að ná lengra í lífinu.

Ég hef verið svo heppinn að hafa alist upp við leiklist beint og óbeint frá unga aldri. Það var siður á mínu heimili í nokkur ár að við krakkarnir lékum leikrit á þrettándann fyrir foreldra okkar og stundum fleiri. Einnig léku bekkirnir og jafnvel sömdu sjálfir misgóð leikrit í barnaskóla. Fólk kannski trúir því ekki en ég er einn af þeim leikurum sem er afar feiminn að upplagi en leiklistin hefur hjálpað mér mikið við að losna úr þessum viðjum mannblendisskorts.

Leiklist snýst svo mikið um að láta vaða, læra að þora, byggja upp sjálfstraust og brjóta múra. Þar er líka sótt að miklu leiti í brunn barnanna því langflestar leiklistaræfingar byggjast á leikjum þar sem fólk lærir að finna bernskuna hjá sjálfu sér, jafnvel án þess að vita af því.

Og það mikilvægast er að allar góðar leiksýningar og æfingar byggjast á mistökum. Ef það eru engin mistök er þetta allt hundleiðinlegt, mistökin eru til að læra af þeim og hafa gaman og með mistökum þróast góðar sýningar í enn betri sýningar. Án mistaka verður sýningin flöt og leikararnir leiðir á henni sem skilar sér svo út í sal. Málið er að í ca. 90 % tilvika taka áhorfendur ekki eftir mistökum, þeir halda að þetta eigi að vera svona. Það er ekki fyrr en leikarinn missiri niður fókusinn og karakterinn sem áhorfendur fatta, nú er eitthvað að fara úrskeiðis.

Sama á við um menn á fundi eða foreldra, ef þeir halda andlitinu þó þeir geri mistök skiptir það yfirleitt ekki máli. Um leið og stjórnmálamaður fer að tafsa í viðtali er hann kominn út í horn fólk missir trú á honum en ef hann nær alltaf að svara fyrir sig allt viðtalið heldur hann trúverðugleika sínum, þó svo að hann hafi e.t.v. sagt einhverja vitleysu

Það er ekki að ástæðulausu sem leiklistin hefur fylgt okkur í árþúsundir, hún kennir okkur svo margt og er í raun spegill mannlífsins og eitt það besta tjáningarform sem maðurinn hefur skapað. Ég hvet því alla sem fá tækifæri til að fara á þó ekki sé nema eitt leiklistanámskeið á ævinni að hugsa sig ekki um tvisvar heldur að slá til, sérstaklega feimnir og þeir sem eru óframfærnir. Þar eru allir jafnir enda segja margir í leiklistinni, mistök eru góð, mistökin eru vinur þinn.

Nú ætla ég að hætta að kvelja ykkur með þessum ofurlanga pistli og þessi einn eða tveir sem nenntu að lesa hann til enda fá verðlaun, koss frá mér (skilyrði fyrir þessum verlaunum eru að vera kvenkyns, vera góð til undaneldis og ólofuð á flest alla lund auk þess að vera í góðum þokkaböndum).